Miduso og legal petition si Cebu City Vice Mayor Tomas “Tommy” Osmeña ngadto sa Korte Suprema aron hunungon ang nagpadayong redevelopment projects sa Carbon Public Market.
Ang reklamo kay gi-file niadtong Enero 16, 2026 diin gipangatarungan ni Osmeña nga ang binilyon ka pesos nga proyekto kay nakalapas sa lagda sa balaod ug nakapalugi sa dakbayan kabahin sa panalapi.
Ang maong lihok nanukad human ang lokal nga korte kay mi-dismiss sa sugyot ni Osmeña ang pagpugong sa proyekto. Sugyot niini nga reviewhun ang Joint Venture Agreement (JVA) tali sa Kagamhanang Dakbayan sa Sugbo ug sa Megawide Construction Corp. ug sa development arm niini nga Cebu2World Development Inc.
Gihinganlan sa bise mayor sila si kanhi Cebu City Mayor Michael “Mike” Rama, incumbent Mayor Nestor Archival Sr., ug mga opisyal sa pribadong kontraktor isip respondents sa reklamong giduso.
Gawas sa legal technicalities nga gisaysay ni Osmeña sa reklamo sama sa kakuwang sa transparency sa pagpinirmahay sa JVA, isyu sa luna sa merkadong Carbon, ug grossly disadvantageous nga kasabutan bahin sa dakbayan kay nakaapektar ang redevelopment project sa kapin 4,000 ka mga manindahay.
Gisugyot sa reklamo nga gawas sa pagpahunog sa proyekto kay mihangyo pud kini nga tukuron pagbalik sa developers ang market stalls nga ilang gi-demolish sa ilang kaugalingong gasto.
Ang desisyon kay mag-determiner kung ang merkadong Carbon kay magpabilin bang public landmark o mamahimo nakining private commercial hub.
