Cebu Election Officer nakadawat og death threat sa election day

CEBU CITY- Wala gipakagamay ni Cebu South District Election Officer Atty. Marchel

Sarno ang death threat nga iyang nadawat mismo sa adlaw sa election.

Sa pakighinabi sa Bombo Radyo Cebu kang Atty. Sarno, giingon niini nga bisan paman og normal na kini para kaniya nga makadawat og hulga sa kinabuhi, wala kini niya gibalewala.

Nagtoo usab ang election officer nga kining maong pagpanghulga ang gihimo para dili bias ang resulta sa pinili-ay.

Apan gisiguro ni Sarno nga transparent ang dagan sa botohan ug ang pagkuha usab sa resulta.

Dili usab kini ang unang unang higayon nga nakadawat kini og death threat ug dili usab kini matud pa makaapekto sa iyang trabaho.

Kaganinang buntag nakadawat og text message si Sarno nga nag-ingong “Usa ra ka, ka bala”.