Gilibkas na ni Cebu Provincial Governor Pamela “Pam” Baricuatro ang “meat import ban” sa lalawigan sa Sugbo.
Mao kini ang iyang gipaambit atol sausa ka press conference sa Kapitolyo niadtong Huwebes, Hulyo 3, 2025.
Kini ang mando sa gobernadora aron sa pag-address sa nagkataas nga presyo sa produktong karne sa kamerkadohan sa lalawigan ilabi na sa mga dagkong lungsod ug dakbayan.
Sumala ni Baricuatro nga pwede nang makasulod sa hurisdiksyon sa lalawigan sa Sugbo ang mga livestock products gikan sa mga kasilinganang probinsya sama sa Negros Oriental tungod kay low risk na ang Sugbo sa African Swine Fever (ASF).
Kahinumduman nga sa nakalabayng administrasyon ni Former Cebu Governor Gwendolyn Garcia kay nagmando kini sa pag-ban sa mga produktong karner nunot sa kaso sa ASF nga nasinati sa lalawigan.
