Napilian isip bag-ong mangulo sa Regional Development Committee–Visayas Area Committee (RD Com–VAC) of the Economy and Development Council si Cebu Provincial Governor Pamela “Pam” Baricuatro.
Kini human sa nahitabong reorganizational meeting sa komitiba niadtong Lunes, Enero 26, 2026.
Gipahinabo kini nga panagpulong sa dakbayan sa Sugbo diin giorganisar ang kalihokan sa Department of Economy, Planning, and Development (DEPDev) nga gitungahan sa mga Regional Development Council (RDC) chairpersons ug vice-chairpersons sa upat ka rehiyon sa Kabisay-an nga mao silang Aklan Governor Jose Enrique Miraflores (RDC Region 6 chair), Negros Oriental Governor Manuel Sagarbarria (RDC–Negros Island Region chair), and Leyte Governor Carlos Jericho Petilla (RDC Region 8 chair), diin silang tanan kay natudlo sab isip co-chairpersons kauban si Baricuatro.
Gihulagway sa gobernadora ang ang ilang panagtapok kay usa ka opurtunidad para sa Visayas nga makamugna og hiniusang paglantaw para sa kalig-on, pagbag-o, ug pag-uswag para sa mga konstituwente niini.
Ang gobernadora sa Sugbo masilbi sa maong posisyon sa 2026 hangtod 2028 human kini ang nihulip kang Bacolod City Mayor Alfredo Abelardo “Albee” Benitez sa pagpangulo sa komitiba.
