Gihatagan og katin-awan ni Cebu Governor Pamela Baricuatro ang mga kabalaka sa mga orgnanisasyong Abaca ug 93-1 members, diin, nibuhat siya og task force aron sa pag-imbestiga niini, ug na pirmahan na usab ang executive orders.
Ang maong mga organisasyon nanawagan ngadto sa gobernadora nga makabaton sila og katin-awan kabahin sa ilahang gisagubang nga mga isyu sa ilahang mga luna o pinuy-anan.
Busa, sa nahimong pamahayag ni Rebecca Flor Deliz, ang Presidente sa Abaca Organization, diin sa iyahang subay, adunay 5,000 ka mga lumolupyo sa Brgy. Apas sa Dakbayan sa Sugbo, ug 2,000 ka mga imprastraktura nga epkektado sa dugay na nga isyung niosulbong ang “lot ownership,” ug nanghinaot nga ang ilahang luna, dili kuhaon o angkonon sa gobyerno ug tagaag higayon nga makabayad sa pinubre nga kantidad.
Ang nahimong panawagan sa maong organisasyon, parehas lang usab sa panagawan sa 93-1 organization, ug usab malaomon nga ang saad sa gobernadora adunay katumanan, ilabi na sa kabahin nga ipahamtang sila og tarung.
Busa, sa aksyon nga gimugna sa Cebu Governor, nimugna kini og task force aron ma imbestigahan ang mao nga isyu nga gikabalak-an sa katawhan.(Bombo Irene Ardiente)
