CEBU – Masaligon si Cebu Governor Gwendolyn Garcia nga mahimong smooth sailing na ang mga polisiya sa nasud kabahin sa COVID-19 pandemic human nga napulihan na ang mga nangulo sa hingtungdang ahensiya.
Matud pani Governor Garcia nga bintaha ang mga nangatungdanan karon samot nasa mga hingtungdang ahensiya sa Department of Interior and Local Government (DILG) nga nga nagikan gyud sa pagka local chief executive.
Nagkanayon si Garcia nga lahi kung nahibaw ang mga nangatungdanan sa tinud-anay nga sitwasyon sa sa lokaledad ug lahi usab ang judgement sa usa ka opisyal kung nagbasi lang kini sa mga reports o walay actual assessment on the ground.
Gani gikalipay sa gobernadora nga nisuon sa mga polisiya sa Sugbu ang mga sakop sa IATF Kay nagpasabot kini nga angay ipatigbabaw ang mga paningkamot sa lokal nga pangagamhanan sa pagpabalik sa ekonomiya sa ilang gingsakupan taliwala sa COVID-19 pandemic.
Ang maong pamahayag sa gobernadora atol kini sa pagtambong niya sa gipasi-ugdahang kalihukan sa media nga mao ang CFBJ shoot for a cause nga gipahigayon sa Lungsod sa Minglanilla.
