CARCAR CITY, CEBU-Gusto ni Cebu Governor Gwendolyn Garcia nga masusi pag-ayo ang resulta sa African Swine Fever (ASF) sa dakbayan sa Carcar.
Magpabilin ang gobernador sa iyang desisyon nga hunongon ang pagcull sa mga baboy sa siyudad bisan pa sa kasamtangang polisiya gikan sa nasudnong kagamhanan.
Mpadayag usab si Garcia og pagduda kong anaa ba ang ASF sa Carcar City o wala.
Ang gobernador nipasabot nga ang mga sample gikan sa usa ka ihawan, diin ang unang kaso sa ASF sa Sugbo na-detect, mahimong adunay viral remnants sa classic swine cholera.
Sa kasamtangan, ang Kapitolyo padayong nipahinumdom sa mga local hog raisers sa Carcar City nga sundon ang higpit nga biosecurity measures ug surveillance sama sa pagwagtang sa swill feeding ug saktong disinfection.
