CENTRAL VISAYAS-Gipahibalo ni Cebu Provincial Board Member Glenn Anthony Soco nga dili gusto ang napatay nga si Negros Oriental Governor Roel Degamo nga mabuwag ang probinsiya sa Rehiyon 7.
Kini basi na usab sa pakighinabi sa board member ni Pamplona Mayor Janice Degamo, ang asawa sa gobernador.
Gibutyag ni Soco nga matud ni Mayor Janice nga dili gusto ang bana niini nga mabuwag sa Cebu ang Negros Oriental gumikan usab sa pang ekonomikanhon nga katuyoan.
Sigon pa, kung mabuwag na ang Negros Oriental sa Rehiyon 7, giingong malayo na kini sa bisan unsa man nga development ug dili na dali nga mahatag ang mga kaayohan alang sa mga Negrense.
Samtang, gihulagway usab ni Soco nga “very cooperative” si Governor Degamo sa tanang mga kalamboan sa rehiyon ug giingong wala kini libog ug dali nga ikasabot sa probinsiya sa Sugbo.
Kahinumdoman nga giduso karun sa balay bala-uranan ang pagbuwag sa Negros Oriental sa Rehiyon 7 ug mag-usa na lang kini ka rehiyon sa Negros Occidental.
