CEBU – Niduso og resolusyon ang Cebu Provincial Board aron ipanawagan sa Regional Inter-Agency Task Force nga ibalik na ang mga sports activities sa probinsya sa Sugbo.
Matud ni Atty. Jimbo Borgonia, ang Cebu Provincial Board Member, nakita niini nga kinahanglang ibalik ang mga kalingawan alang sa mga kabatan-onan ingun man sa mga edaran sama sa basketball ug volleyball.
Kini aron usab mahatagan og higayon ang mga tawo nga makapahigayon og nagkadaiyang physical exercises human nga nakita niini nga ning panahon sa pandemya kanunay nalang nga nag-atubang sa mga cellular phones ang mga batan-on ug wala na kini ehersisyo. Dugang pa ni Borgonia nga dili matod pa kuyaw ang maong sugyot sanglit ang mga silingan lamang unya ang magduwa.
Subay na usab sa maong resolusyon, gihatag na matud pa ang gahom sa mga mayor aron maoy musuta kung angayan ba nga ibalik ang mga sports activities sa nagkadaiyang munisipalidad gumikan kay kini ang nasayod sa kasamtangang sitwasyon.
Malaumon karon si Borgonia nga maka-amgo ang National IATF nga dili sakto ang tanang polisiya nga gipatuman niini sama nalang sa pagdili sa mga sports activities. Segon pa niini nga angayan na usab nga ilibkas ang pagdili sa sports activities gumikan kay sayod na ang publiko sa angayang buhaton aron mabatokan ang COVID-19.ll BEA
