CEBU – Gihimug-atan ni Cebu Governor Gwendolyn Garcia nga magpadayon ang hugot nga border control batok sa ASF ug avian influenza arun nga maprotektaran ang hog raising ug poultry industry sa Sugbo.
Subay niini magpadayon ang hugot nga monitoring, surveillance ug border control sa mga musulod nga buhi nga baboy ug manok, ilabi na sa mga area nga ‘infected’ sa ASF ug bird flu sama sa Luzon, Eastern Visayas ug Mindanao.
Matud ni Garcia nga ang maong hugot nga border control kay paglikay sa naasoy nga mga virus, ilabi na nga kapin na sa 50 ka mga probinsiya ang naapektohan niini.
Gidugang pa sa gobernadora nga magpadayon usab ang pagdili sa mga importation sa poultry products ug by-products sa mga area nga kompirmadong adunay bird flu.
Kahinumdoman nga niadtong buwan sa Marso ning kasamtangan nga tuig, miluwat ug executive order si Governor Garcia sa pag-ban sa entry sa mga live fowls, poultry ug by-products nga gikan sa Luzon ug daghang mga probinsiya nga positibo sa bird flu.
Apan gitino niini nga nagpabilin nga ASF ug bird flu free ang Sugbo.
Ang Sugbo ang usa sa pinakadako nga producer ug supplier sa pork ug poultry products.
