CEBU PROVINCE-Nanghinaut si Cebu Provincial Governor Gwendolyn Garcia nga maminaw ang mga gitawag niini nga “so-called expert” sa pamahayag sa World Health Organization (WHO) nga dili na ma-isip nga “global health emergency” ang COVID-19.
Gipadayag ni Governor Garcia nga mao na kini ang tukma nga panahon ug wala kini masayod nga adunay mga tawo nga gustong ipadayon pa ang pandemya gumikan sa ilahang mga giingong “selfish reasons” o mga agenda.
Apan gihimug-atan sa gobernadora nga bisan pa man nga wala pa ang maong deklarasyon sa WHO kay una nang mideklarar niini ang Sugbo gumikan kay siya mismo kauban ang uban pang mga opisyal ang nakakita sa ti-unay nga sitwasyon sa lugar ug dili ang taga WHO.
Gani, sa pangutana kung makatabang ba sa ekonomiya ang mang deklarasyon sa WHO, tubag ni Garcia nga daan na silang naglihok ug ang naghimo ug solusyon arun nga mabalik ang kalagsik sa ekonomiya sa Sugbo.
Nagkanayon si Garcia nga dugay nang nangabli ang Sugbo bisan pa man nga wala pa ang maong deklarasyon sa World Health Organization.
