CEBU CITY– Mukabat sa P3-M ang kantidad nga ihatag sa kagamhanan sa Probinsya sa Sugbo ngadto sa Sinulog Foundation Inc. (SFI).
Kini isip suporta sa probinsya sa umaabot nga Sinulog Festival 2020.
Gibutyag ni Cebu Provincial GovernorGwendolyn Garcia nga iyang pagabaslan ang gihatag nga tabang kaniadto sa syudad sa Sugbo niadtong malampuson nga Pasigarbo sa Sugbo sa milabay nga tuig. Posible nga karo’ng semanaha mahatag ang P3-M ngadto sa SFI.
Sigon pa nga nihatag usab si Labella kaniadto ug liboan ka kapulisan alang sa hugot nga seguridad sa katawhan. Isip pagbalos usab niini, gimandoan na ni Garcia ang Cebu Provincial Police Office (CPPO) nga muhatag usab og seguridad alang sa kahapsay ug kalinaw sa umaabot nga Sinulog.
Dugang pa niini, giandam na usab sa kapitolyo ang mga ambulansya ilabi na sa mga LGU’s aron e-deploy sa Cebu City aron usab adunay magamit nga dugang pa nga mga emergency vehicle.
Dason pa niini nga adunay float ang kapitolyo apan gi-finalize pa kun unsay tema niini. Nagkanayon si Garcia, nga muapil usab siya sa pagsayaw sa Sinulog ingon man ang mga department heads ug board members.
Nakompirmar nga si Tata Salvador ug Glenn Soco mokuyog sila sa float sa provincial government.
Samtang ang inila nga Cebuano Choreographer ug Direktor sa entablado nga si Victor Cuenco maoy incharge sa konsepto ug pag-presentar sa mga performers sa kapitolyo. | report ni Eric Amaro
