Gibuhi pagbalik human sa unom ka tuig nga pag-inutil sa nakalabayng administrasyon sa Kagamhanang Lalawigan sa Sugbo ang Provincial Health Board isip pagpabaskog sa pagdalit og serbisyong panglawas sa probinsya.
Gipangulohan ni Cebu Provincial Governor Pamela “Pam” Baricuatro ang maong reconvening sa Provincial Health Board diin namugna kini atol sa gahum sa iyang ikaduhang executive order nga gipirmahan niadtong Hunyo 30.
Ulahing nahimong aktibo ang health board niadtong administrasyon ni kanhi Governor Hilario “Junjun” Davide III apan gi-deactivate ni former Governor Gwendolyn Garcia pag tuig 2019.
Nahimong mahinungdanon ng reconvening sa health board subay sa pagtuman sa RA 11223 (Universal Health Care Act) nga nagmando sa mga Provincial Health Board nga magdumala og Special Health Fund nga adunay tahas sa pag supervise sa pasilidad sa panglawas sulod sa lalawigan.
Ang nangulo sa maong board ka si Gov. Baricuatro kaabag sa vice-chairpersonship ni Dr. Mary Ann Josephine Arsenal lakip na silang Board Member Dr. Stanley Caminero, ang chairman sa provincial board committee on health, mga chief-of-hospitals sa upat ka mga Provincial Hospitals sa Sugbo, mga representantes sa Department if Health, Philheath, religious ug marginalized sectors isip mga miyembro niini.
