Aprobado na sa Cebu Provincial Health Board (PHB) ang pagkatukod sa Cebu Province Health Referral Committee human sa unom-ka oras nga special session niadtong Martes, Pebrero 24, 2026.
Tinguha sa pagkatukod sa maong komitiba kay ang pagpalambo sa electronic referral system sa mga tambalanan sa probinsya.
Sa pamahayag sa Kapitolyo, ang mga sakop sa PHB nagpresentar sa referral statistics, utilization data and system performance reports, pagsuta sa operational gaps, coordination issues ug misinformation nga naka-apektar sa patient flow sa sistema sa pampublikong panglawas sa lalawigan.
Nagtumong kini sa pagpalambo sa koordinasyon sa tanang mga provincial hospitals ug pagsiguro nga ang mga pasyente kay daling madalitan og atensyong medikal.
Sumala pa ni Dr. Nikki Catalan, ang Provincial Health Consultant nag ang ilang taas nga diskusyon kauban ang mga mayor sa mga lungsod ug mga sakop sa PHB kay naghulagway sa komplikadong trabahuon sa sistemang pampublikong panglawas sa probinsya.
Atol sa sesyon, gituki nila ang kalambuan sa mga kasamtangang memoranda of agreement, nagpadayong medical-surgical missions sa mga hilit nga mga dapit, ug padayong implementasyon sa Health Facility Development Plan sa mga ospital sa lalawigan. Ila sab nahisgutan ang pagpalambo sa road safety programs isip kabahin sa preventive public health efforts.
