Temporaryong pasirad-an ang Cebu South Coastal Road Tunnel human kini nakita sa ocular inspection nga gipahigayon sa milabay nga smeana ning buwan sa Hunyo 2024.
Makita sa hulagway nga gipublikar ang daghang mga hairline cracks sa ibabaw nga bahin sa tunnel.
Nasayran usab sa ocular inspection nga 30-40 percent sa suga ang nigana hinondan nga ngitngit na ang pipila ka bahin sa sud nga bahin sa tunnel.
Gipasabot ni Atty. Kent Francesco Jongoy, assistant head sa Cebu City Transportation Office nga temporaryong sirad-an ang Cebu South Coastal Road Tunnel sulod sa 6 to 7 Ka buwan human unya sa Palarong Pambansa 2024.
Ang maintenance division sa DPWH 7 pinanguluhan ni Engr Jun Dela Cruz uban ang pribadong kontrator ang nagpahigayon sa maong ocular inspection og nidesider sa pagpaayu tungod sa daghang mga hairline cracks sa ibabaw nga bahin sa tunnel.
Ang Cebu South Coastal Road Tunnel usa ka two way four lane road nga dunay gitas-on nga 0.97 kilometers.
