CEBU CITY– Hapit magstampede sa kadaghang tao nga mihatod sa lubing sa 7 ka miyembro sa Janson ug Bagiuo Family sa Brgy. Ermita, Cebu nga nangamatay sa Guimaras-Iloilo sea Tragedy.
Nagdala usab kini og grabeng traffic tungod sa kadaghang tao nga misimpatya ug mipaabotg sa ilang pahasubo sa mga biktima. Makabungol nga dangoyngoy ug bakho ang madungog gikan sa mga nabiyaang kabanay sa mga biktima sa dihang padulong na nga gisulod ang mga lungon sa nitso.
Nakuyapan usab ang 9 anyos nga si Quisanji Econg, anak sa pagkadaga sa namatay nga si Danilyin Bagiuo. Apan sigon sa apohan niini nga inahan ni Danilyn nga bisan sakit, wala na sila mahimo inay dawaton nalang ang tanan.
Sila na usab sa iya matud pang hinigugma nga foreigner ang mu-adopt sa na-ilo nga anak sa biktima.
Mitambong usab sa Misa requiem si Cebu City Mayor Edgardo Labella ug mihatud usab sa Carreta Cemetery kung diin gipahimutang ang mga patay’ng lawas sa mga biktima.
Ang city government na usab ang mi-asikaso sa tanang gasto. Una na usab nga gisaad sa mayor nga dili niya pasagdan ang nabiyaang pamilya sa mga biktima.
Mahiumduman nga niadtong Agosto 3, Sabado sa hapon sakay sa usa ka motorized banca ang 9 ka miyembro sa Janson ug Bagiuo family para unya mamalay sa Guimaras City apan natikyaob ang maong sakayan tungod sa ngil-ad nga panahon nga gikamatay usab niini.
Nasayran nga ang 2 ka lawas sa mag-amahan nga Rommel Bagiuo ang gibilin nalang sa balay kung asa unta sila mamalay sa Guimaras City ug didto na usab ilubong.
