Cebu City-Gipaambit ni Cebuana Miss Top of the World Plus Size 2017 Jodel Mesina ang iyang kasinatian sa pagsalmot sa pageant niadtong Nobyembre 12 nga gipahigayon sa Singapore.
Matud ni Mesina nga kini ang una nga higayon nga misalmot sa ug dili pa gihapon siya makatoo nga ang kanhi damgo lang karon tinood na.
Gisaysay niini ang kalisod nga iyang naagi-an sa training pero para niya sulit gihapon. Matud niya nga lisod kay usa man siya ka “sneakers at slipper girl” mao nga naglisod siya nga magsul-ot og heels.
Bisan paman , gipasigarbo ni Mesina nga wala siya na-challenge sa naasoy nga pageant ug confident pa kini nga siya gyud ang makadaog.
Nagpasalamat usab si Mesina sa higayon nga gihatag kaniya ug plano niya karon nga musalmot sa usa ka organisasyon kung diin makigbisog siya para sa sama niyang mga plus size women.Giingong sayod siya kung unsay bation sa gi-bully tungod kat natawag na usab nga “tambok” o “baboy”.
Gihimug-atan niini nga gusto niya nga matangtang ang stigma nga kung dako o tambok ka, ngil-ad ka sa tan-aw sa mga tao.
