Cebu City-Feeling proud ug walay kasudlan sa iyang kalipay si Jose LG Fuentes kinsang nakalangkat sa 2nd spot sa Bombo Music Festival human ang malampuson nga finals night kagabii.
Matud ni Fuentes nga wala gyud niya kini damha sanglit sa tanang mga finalist iyang kanta ra ang adunay local dialect mao nga grabe ang iyang kalipay nga naapil siya sa top 3.
Gipa-ambit usab ni LG ang kasinati-an niya kauban ang mga finalists diin gihulagway niya nga naka-umol na sila ug panaghigalaay diin human gyud sa finals night nag “jamming” pa sila.
Proud usab ang pamilya ni Fuentes diin sigon pa nga naglive streaming ang ilang barangay sa ilang basketball court sa may Consolacion Cebu.
Plano karon ni Fuentes nga tigumon lang usa ang iyang nadag-an nga 100,000 pesos ug matud niya nga kinahanglan “wise” siya sa pagasto niini. Gamay lang usab nga selebrasyon kauban ang iyang pamilya ang plano ni Fuentes kung makauli na siya sa Sugbo.
Dako usab kaayo ang iyang pasalamat sa Bombo Radyo Philippines tungod sa iyang naangkon karon ug sa maayo nga pag-atiman kanila samtang didto sila sa Iloilo City.
Tambag niya sa mga aspiring song writers ug singers nga dili jud muhunong sa pagkab-ot sa ilang mga damgo kay muabot ra gyud ang ilang panahon nga maila.
