CENTRAL VISAYAS-Gilatag na ang lima ka tuig nga ‘regional roadmap’ sa panagtapok sa mga pampublikong opisyal ug pribadong grupo nga naglangkob sa Regional Development Council Region 7 (RDC-7) kaniadtong Agosto 8, 2023.
Opisyal na nga gilusad sa RDC-7 ang ilahang gi-aprobahan nga Central Visayas Development Plan (CVDP) 2023-2028 sa usa ka ‘launching’ diin gipahigayon sa usa ka hotel sa dakbayan sa Sugbo.
Giisip nga usa sa mga unang rehiyon nga nakakompleto sa lima ka tuig nga roadmap ug matud pa sa National Economic Development Authority Region 7 (NEDA-7) Undersecretary nga si Carlos Bernardo Abad Santos nga bisan paman nga adunay mga hagit nga giagian apan wala kini nahimong rason arun dili ipadayon ang naasoy nga plano.
Gihisgotan usab niini ang mga babag sa ekonomiya tungod sa pagpit-os sa inflationary, hulga sa mga sakit sa hayop, pagsubang sa El Niño, ug ang mga epekto sa mga kalamidad.
Nasayran, nga gitumbok ang role sa RDC sa pagpukaw sa ekonomiya ug ‘social transformaton’ isip’ makahinungdanon.
Ang tumong sa Central Visayas Regional Development Plan (CVDP) arun ipausbaw ang Gross Domestic Product (GDP) gikan sa 6.8% ngadto sa 8.5%, ug pagpakunhod sa inflation nga anaa sa 2% ngadto 4%, samtang sa unemployment rate nga anaay 4.5% ngadto sa 5%, ug sa poverty incidence nga anaa sa 10.5%.
Gibutyag sa NEDA-7 Regional Director nga si Jennifer Bretana nga mohimo sila og roadshow sa rehiyon aron masayran sa mga local government units ang mga plano ug target sa Central Visayas.
