Hagit sa mga mamaligyaay og isda sa dakbayan sa Sugbo mao ang kakuwang sa komportable nga mga lawak ug suplay sa tubig sa Barangay Suba ug Pasil.
Gani, mipadangat og suwat ang Cebu Fish Dealers Association (CFDA) ngadto sa Cebu City Council arun manawagan sa interbensyon sa dakbayan kabahin niini.
Partikular nga gipadad-an mao si Cebu City Councilor Nestor Archival nga gipambit niini ngadto sa regular session sa Sanggunian niadtong Mayo 8, sa kasamtangang tuig.
Atol sa pakighinabi sa Bombo Radyo Cebu Newsteam kang konsehal Archival gipaambit niini nga dako ang revenue tax sa mga naasoy nga Barangay apan, wala kini nagamit sa pipila na katuig ug ingon man nga wala kini gihapak alang sa pagpalambo arun mapahapsay ang mga pasilidad sa kamerkaduhan sa Pasil ug Suba.
Dugang pa niini nga magping-it ang mga mamalit ug tanang tawo nga moadto tungod sa hilabihan ka hugaw nga dapit ug wala’y klaro nga traffic contro.
