CEBU CITY-Gihimakak ni Kei Galon ang Chairman sa Anakbayan Cebu nga miyembro si Hannah Jay Cesista kinsang usa sa lima sa namatay nga engkwentro sa Brgy Campagao, Bilar, Bohol.
Sa pakighinabi sa Bombo Radyo Cebu News Team kang Galon, giklaro niini nga dili miyembro si Cesista ug usa kini ka coordinator sa National Union of Peoples’ Lawyers o NUPL.
Gihimug-atan usab niini nga adunay maniobra nga nahitabo diin gipagawas sa mga sakop sa mga kapulisan sa Bohol nga myembro si Cesista sa Anakbayan diin sukwahi kini sa kamatuoran diin ang tumong sa pagpakatap subay sa ilang paningkamot nga matuldokan ang mga terorista.
Gitataw usab ni Galon nga ang tumong sa ilang organisasyon alang sa pagpaamgo sa mga katawhan hilabi na sa mga kabatan-onan sa tinuod nga nahitabo sa nasud.
Ug Kusganong gibarugan niini nga wala’y kamatuoran nga ang Anakbayan usa ka CPP-NPA.
