CEBU CITY-Gitubag ni Konsehal James Anthony Cuenco ang Chairman sa Commitee on Transportation ang mga pangutana sa mga katawhan ingun man ang pipila ka mga opisyalis ug nganong dugay sila nakadesider nga ipahunong ug nireklamo kabahin sa Cebu Bus Rapid Transit sa dakbayan sa Sugbo.
Matud pa niini nga tinuod nga nadugay ang ilang reklamo apan dili na kinahanglan pang huwaton nga mahuman ang maong proyekto gumikan kay karun palang ilang nakita ang mga redflags ug ebidensya ingun man ang kapalpak niini hilabi na kung gi unsa kini pag implementar ug wala nay igong rason nga ipadayun pa kini.
Dugang pa sa opisyal nga sa kadaghang mga Bus Rapid Transit sa kalibutan ang dakbayan sa Sugbo maoy pinakauwahi nga nagsugod ug kini labing naapektuhan sa natad sa ekonomiya gumikan sa grabing kalangay nga nasinati sa mga tigpatigayon tungod sa grabing traffic sa dakbayan.
