Chavit Singson, gihimakak nga uyab-uyab sila ni Jillian Ward

Kusganong gihimakak sa kanhi politiko nga si Chavit Singson ang isyu nga duna siyay relasyon sa dalagitang aktres nga si Jillian Ward.

Matod pa ni Chavit nga “minarites” lang daw kini.

Gihimakak usab ni Chavit ang mga isyu kalabot sa ubang personalidad nga giingong iyang karelasyon. Iyang gipasalig nga kini mga hungihong lang ug walay igong ebidensiya nga magpamatuod niini nga tinuod.

Wala niya tubaga ang pangutana kon aduna bay something tali nila sa aktres nga si Yen Santos diin nagkomedya lang siya nga ayaw siyag pangutana bahin sa mga babaye kay mahadlok kuno siya.

Kahinumduman nga gitubag na nila ni Yen ug Chavit sa usa ka vlog ang isyu sa ilang panag-uban, diin gikataw-an lang nila kining duha ug niingon nga “marites” lang ang tanan.