Gipaambit ni Miss Universe Philippines 2024 Chelsea Manalo ang iyang papel isip Miss Universe Asia nga kabahin sa continental queens sa Miss Universe Organization.
Matod ni Chelsea, iyang katungdanan ang pagtabang sa Miss Universe Organization sa ilang mga Charity works diin makig-uban sa ubang mga continental queens nga sila Miss Universe Peru isip Miss Universe Americas, Miss Finland isip Universe Europe, ug Miss Nigeria isip Miss Universe Africa ug Oceania.
Giklaro usab ni Chelsea nga ang mga continental queens mahimong kabahin sa opisyal nga pageant sa organisasyon sa Miss Universe hangtod matapos ang tibuok tuig sa paglingkod ni Miss Universe 2024 Victoria Kjær Theilvig.
Gipaambit pa sa Pinoy beauty queen ang iyang kasinatian sa miaging buwan sa kompetisyon diin matud pa nga nigawas ang iyang pagsalig nga mas nakapalig-on sa iyang personalidad balik sa Pilipinas.
Kahinumduman nga si Chelsea maoy nakadaog sa ‘best in national costume’ human kini gianunsyo sa tag-iya sa Miss Universe nga si Anne Jakrajutatip.
Mao nga back to back experience ang gibati sa Pinoy fans tungod kay niadtong 2023 ang Pilipinas’ kay si Michelle Dee nakadaog usab sa ‘best in national costume’.
Samtang kini ang ikaupat nga kadaugan sa Pilipinas sa best in national costume sa kasaysayan sa Miss Universe competition.
