Gikumpirma ni Ukrainian President Volodymyr Zelensky nga usa ka drone strike sa Russia ang miigo sa naguba nga Chernobyl nuclear power plant niadtong Huwebes sa gabii (oras sa Pilipinas).
Sumala sa Zelensky, usa ka drone strike sa Russia nga adunay high explove warhead ang nakaigo sa usa ka shelter nga mao unta ang nagpugong sa mga radiation nga mukatap sa tibuok Europa gikan sa nadaot nga 4th power unit.
Mipahayag ang State Emergency Service sa Ukraine nga ang radiation gikan sa nuclear plant nga nagpabilin sulod sa normal nga mga limitasyon.
Gipahibalo usab ni Zelensky nga ang concrete shelter kay nadaot sa sunog nga miulbo.
Kaniadto, ang naigo nga Unit 4 sa Chernobyl duol sa utlanan sa Ukraine sa Belarus kay mibuto niadtong 1986.
Samtang, ang pag-atake nahitabo pipila ka oras sa wala pa magsugod ang taas nga lebel sa Munich Security Conference sa Germany diin ang Bise Presidente sa US nga si JD Vance gikatakda nga makigkita kang Zelensky.
Nahitabo kini taliwala sa pahibalo ni US President Donald Trump nga ang negosasyon aron tapuson ang gubat sa Ukraine kay magsugod dayon human sa produktibong mga pakigpulong uban sa Presidente sa Russia nga si Vladimir Putin kaniadtong Miyerkules.
