Gipagaan sa China ang visa restrictions alang sa mga residente sa Shenzhen nga nagbisita sa Hong Kong, nga gitugotan ang multiple entries sa Hong Kong matag tuig sugod ning adlawa, Disyembre 1.
Diin ang matag bisita kay molungtad hangtod sa pito ka adlaw ug ang multiple-entry visas kay balido sa usa ka tuig matag higayon.
Gibalik sa pahibalo ang multiple-entry policy gikan sa 2009 nga gihigpitan kaniadtong 2015 sa dihang gisugdan sa China ang pagtugot sa mga residente sa Shenzhen nga moadto sa Hong Kong kausa sa usa ka semana.
Ang mas estrikto nga polisiya gitumong sa pagpahunong sa kasuko sa Hong Kong tungod sa mga negosyante nga nagbiyahe sa makadaghang higayon aron mapahimuslan ang mas ubos nga buhis pinaagi sa pagpalit sa mga butang nga ibaligya pag-usab sa mainland.
Giingon sa Hong Kong nga ang pagpadayon sa labi ka malumo nga palisiya sa pagsulod gilauman nga makabenepisyo sa daghang mga industriya nga may kalabotan sa turismo sama sa retail ug catering.
