Gibitay sa China ang 11 ka miyembro sa pamilyang Ming, nga giisip nga usa ka bantogan nga mafia nga nagpadagan sa usa ka multibillion-dollar scam industry sa Myanmar.
Gisentensiyahan sila og kamatayon sa korte sa probinsya sa Zhejiang sa China niadtong Setyembre human mapamatud-an nga sad-an sa daghang mga kaso sa homicide, ilegal detention, pagpanglimbong ug pagpadagan og gambling den.
Ang Ming usa sa daghang mga clan nga nagpadagan sa lungsod sa Laukkaing sa Myanmar, nga gihimo nga sentro sa mga casino ug sex trade.
Nahugno ang ilang imperyo niadtong 2023 sa dihang nadakpan sila ug gitugyan sa China sa mga lokal nga milisya nga nag-okupar sa lungsod sa Laukkaing taliwala sa giyera sibil sa Myanmar.
Ang mga pagpatay sa mga miyembro sa mafia nagpadala usab og mensahe sa pagpugong batok sa mga naningkamot sa paghimo og mga kalihokan sa scam.
