-- ADVERTISEMENT --
Gihimakak sa China nga ni-apply og asylum si kanhi presidente Rodrigo Duterte kanila.
Matud sa tigpamaba sa Chinese foreign ministry nga si Guo Jiakun nga walay kamatuoran ang taho nga ang kanhi presidente mi-apply og asylum sa dihang miadto kini sa Hong Kong.
Giklaro ni Guo nga ang China wala makadawat sa maong hangyo gikan kang Duterte o sa iyang pamilya.
Sa usa ka news briefing, ang Chinese official nihatag og gibug-aton nga ang biyahe ni Duterte sa Hong Kong alang lamang sa private vacation purposes.
Gitambagan usab ni Guo ang mga tigbalita nga susihon pag-ayo ang kasayuran ug dili dayon motuo sa giingon nga mga insider nga wala’y basehanan o adunay ulterior motibo.
-- ADVERTISEMENT --
