-- ADVERTISEMENT --

Nipagawas og pasidaan ang Ministry of Education sa China sa mga estudyante nga nagplano nga magtuon sa Pilipinas.

Kini nahitabo taliwala sa giingong pagdaghan sa mga krimen nga nagtumong sa mga Chinese nationals.

Sa usa ka pasidaan nga gi-isyu sa Ministri, nga gitaho sa state-owned Chinese media (Global Times), gitambagan niini ang mga estudyante nga hingpit nga susihon ang posible nga mga hulga sa seguridad ug dugangan ang kahibalo ug pag-amping kung naghunahuna nga magtuon sa Pilipinas.

Nakalatid sa report sa online post sa Chinese Embassy sa Manila nga ang mga insidente nga naglambigit sa lokal nga tigpatuman sa balaod sa pagpanghasi ug pag-inspeksyon sa mga Chinese nationals, ingon man ang mga panagtapok sa politika, mga protesta ug mga demonstrasyon nga nahimong mas common sa nasud, nga miresulta sa nagkadako nga hulga sa seguridad sa mga Chinese nationals ug mga institusyon sa nasud.

Gitambagan usab ang mga Intsik nga likayan ang mga panagtapok sa politika ug mga lugar nga daghang tawo ug bantayan pag-ayo ang kahimtang ug likayan ang wala kinahanglana nga paggawas.

-- ADVERTISEMENT --

Ingon man mosunod sa lokal nga mga balaod ug regulasyon ug magpabiling alerto batok sa posibleng mga lit-ag sa kaluwasan o mga scam.

Sa pagkakaron, wala pay pamahayag ang Department of Foreign Affairs (DFA) kalabot sa pasidaan sa Chinese Ministry of Education.