Mialma ang China sa pagkalakip sa West Philippine Sea sa Google Maps.
Giinsister ni Chinese Foreign Ministry Lin Jian nga ang gitawag nila nga “South China Sea” nga gilalisan nga katubigan gigamit, giila ug gidawat sa internasyonal nga komunidad lakip na ang mga nasud sa tibuok kalibutan ug internasyonal nga mga organisasyon sama sa United Nations.
Ning bag-o lang mitumaw sa Google Maps search sa Panatag Shoal o Scarborough Shoal diin nagbutyag nga kini nahimutang sulod sa kasadpang bahin sa Pilipinas, nga gitawag og West Philippine Sea.
Sa habig sa Pilipinas, gihangop sa Armed Forces of the Philippines (AFP) ang paglakip sa WPS sa web mapping platform, nga matud niya nagpalig-on sa pag-ila sa internasyonal nga komunidad sa mga katungod sa soberanya sa nasod ug nagsuporta sa 2016 arbitral ruling ubos sa United Nations Convention on the Law of the Sea (UNCLOS).
Matod sa tigpamaba sa AFP nga si Colonel Francel Margareth Padilla, nakita sa Armed Forces nga kini ang mga tigpanalipod sa soberanya, nga usa ka importante nga kontribusyon sa tinuod nga representasyon ug kahibalo sa publiko.
Kahinumduman nga ang kasadpang bahin sa atong nasud opisyal nga gitawag og West Philippine Sea ubos sa administrasyon ni kanhi Presidente Benigno “PNoy” Aquino III.
Atol usab sa administrasyon sa kanhi Presidente, ang Pilipinas misang-at og kaso sa arbitrasyon sa Permanent Court of Arbitration sa The Hague aron hagiton ang halapad nga pag-angkon sa China, diin kasagaran sa kasadpang bahin sa nasud.
Niadtong 2016, ang tribunal mihukom pabor sa Pilipinas, nga nag-invalidate sa 9-dash line claim sa China, nga nag-ingon nga kini walay legal nga basehan.
