Mibalos na ang China sa US pinaagi sa pagpahamtang og 34 porsiyento nga buhis sa tanang produkto gikan sa Amerika.
Diin ang pag-anunsyo miabut human ang Presidente sa US nga si Donald Trump mipatuman og dugang nga mga taripa sa China nga hangtod sa 34 porsyento nga moabot sa miaging 20 porsyento nga gipahamtang sa bag-ohay nga mga bulan, nga karon mikabat na sa 54 porsyento.
Matod sa Ministry of Finance sa China, ang bag-ong taripa nga gipahamtang sa US magsugod sa Abril 10 ug ang China usab mipahamtang kaniadto og 15 porsiyento nga taripa sa coal ug liquefied natural gas (LNG) imports gikan sa US isip balos sa 10 porsiyento nga singil sa mga produkto sa China.
Sa samang higayon, gikataho nga hugtan sa China ang mga kontrol sa eksport sa mga nag-unang mineral ug negosyo nga naglimite sa pamatigayon sa US.
Una niini gisaway ni Trump ang China, nga nag-ingon nga kalit silang nataranta human niya gipahamtang ang taas nga buhis.
