Malampusong gilusad sa China ang Tianwen-2 spacecraft sayo sa Miyerkules, kabahin sa unang misyon sa nasud sa pagkuha og mga bato gikan sa duol nga asteroid.
Ang Long March 3B rocket mi-alsa gikan sa Xichang Satellite Launch Center sa 1:31 a.m. (lokal nga oras), nga nagdala sa robotic probe nga mosubay sa agianan paingon sa asteroid nga gitawag ug 469219 Kamoʻoalewa, nga 10 ka milyon ka milya gikan sa Yuta.
Matud sa media sa estado nga Xinhua, nga ang paglansad usa ka “kompleto nga kalampusan.”
Ang Tianwen-2 gilauman nga makaabot sa asteroid sa Hulyo 2026 ug magpadala og usa ka kapsula nga adunay mga sample balik sa Yuta sa Nobyembre 2027.
Kung magmalampuson, ang China mahimong ikatulo nga nasud – pagkahuman sa Japan ug Estados Unidos – nga makakuha usa ka sample gikan sa usa ka asteroid.
Ang misyon kabahin sa paspas nga pagpalapad nga programa sa kawanangan sa China, nga naglakip sa pagtugpa sa mga robot sa halayong bahin sa bulan, pag-operate sa kaugalingon nga estasyon sa kawanangan, ug plano nga ipadala ang mga tawo ngadto sa bulan sa 2030.
