Nagpahigayon ang Chinese ug Russian bombers sa ilang unang joint flight duol sa Shikoku Region sa Western Japan.
Gikumpirmar kini sa Joint Staff Office sa Defense Ministry sa Japan.
Sumala ni Chief Cabinet Secretary Minoru Kihara, ang mga bomber sa China ug Russia nagpahigayon og coercive action batok sa Japan.
Ingon man nga nipadayag ang gobyerno sa Japan og dakong kabalaka alang sa nasudnong seguridad niini sa China ug Russia.
Niadtong Martes, duha ka Russian Tu-95 bombers ang nagdungan og lupad gikan sa Dagat sa Japan ug duha ka Chinese H-6 bombers nga nagtagbo sa ibabaw sa East China Sea ug miagi taliwala sa main ug Miyakojima nga mga isla sa pinakahabagatan nga prefecture sa Japan sa Okinawa.
Ang mga bomber plane nag-ilis og direksyon sa ibabaw sa Kadagatang Pasipiko duol sa Shikoku aron mobalik sa East China Sea atol sa joint flight, giubanan sila sa mga Chinese J-16 fighters.
Nakita usab ang mga Su-30 fighter sa Russia ug ang A-50 early warning plane nakita usab sa Dagat sa Japan.
Ang mga fighter jet sa Japan Air Self-Defense Force gipadagan aron moresponde, bisan pa ang mga opisyal sa ministeryo nag-ingon nga ang mga eroplano sa China ug Russia wala makasulod sa airspace sa Japan.
