Kusganong gibarugan ni Taiwan President Lai Ching-te nga wala’y katungod ang China sa pagsilot sa iyang mga lungsuranon tungod sa ilang mga panglantaw o adbokasiya human gipasidan-an sa China ang mga nagsuporta sa kagawasan sa isla nga mag-atubang sa silot nga kamatayon.
Kahinumduman nga niadtong Biyernes nagpagawas ang China og bag-ong judicial guidelines nga naglakip sa death penalty sa mga seryosong kaso nga naglambigit sa mga ‘diehard supporters’ sa kagawasan sa Taiwan.
Apan, si Presidente Lai miingon nga ang China wala’y katungod sa pagpadayon sa cross-border prosecution sa Taiwanese citizens.
Gipasiugda usab niini nga ang demokrasya nga dili tinubdan sa krimen kondili autokrasya.
Ingon man ang pagpasidaan niini nga mas mosamot nga madaot ang relasyon tali sa duha kung dili ilhon sa China ang existence sa Taiwan ug dili makigbinayloay og dayalogo sa lehitimo ug napili nga demokratikong gobyerno sa Taiwan.
Gipasabot ni Lai nga abli kini sa pagpadayon sa dayalogo sa China ug nanawagan sa duha ka habig nga magbayloay.
