Gikumpirmar ni Foreign Affairs Secretary Maria Theresa Lazaro nga ilang gipatawag ang Chinese ambassador sa Pilipinas nga si Huang Xilian.
Kini nunot sa travel ban sa China kang kanhi Senador Francis Tolentino nunot sa iyang baruganan sa isyu sa West Philippine Sea.
Matod ni Palace Press Officer USec Claire Castro basi sa pamahayag sa DFA, ilang gipasabot ang Chinese envoy kalabot sa lakang sa Beijing nga gidid-an ang kanhi senador sa pagbiyahe sa China, Hong Kong ug Macau.
Bisan kung girespeto sa Pilipinas ang desisyon sa China, gipahinumdoman ni Ambassador Lazaro ang Beijing nga ikonsiderar sa Pilipinas ang “Freedom of Expression.”
Gihatagan niya og gibug-aton nga ang mga napili nga opisyal adunay mandato sa pagpangutana ug paghimo sa panukiduki, hilabi na kung kini adunay kalabotan sa nasudnon ug interes sa publiko.
Hinuon, gipasiugda sa DFA nga ang Pilipinas komitado sa pagsulbad sa mga kalainan pinaagi sa diplomasya ug dayalogo aron makab-ot ang pagsinabtanay sa usag usa.
