CEBU CITY — Gipasirad-an ni Lapu-lapu City Mayor Junard Ahong Chan ang usa ka Chinese Restaurant sa sa Brgy. Maribago kagahapon sa kadlawn human nga nadiskubrehan nga walay business permit.
Matod ni Chan nga posible nga taod-taod ng nag-operate ang maong restaurant ug karon lang kini nadiskubrihan.
Gawas nga walay permit ang maong restaurant, dili usab kini ‘qualify’ sa maong lugar gumikan dili man commercial area inay usa man ka residential area.
Dugang pa sa Mayor aduna pay dako-dako nga kaso ang ipasaka batok niini apan dili pa kini nila mabutyag sa pagkakaron gumikan gipa-confirm pa kini sa hingtungdang ahensya.
Sa pag-adto ni Chan sa maong lugar nakita niini nga adunay mga exotic nga mga pagkaon nga gipangdili.
Nasuta usab nga 24/7 mag-operate ang maong restaurant.
Rason nga makatukaw sa mga nangatog gumikan bisan paman ug kadlawn saba gihapon kaayu sa maong Chinese restaurant.
Samtang nakadawat usab si Chan ug report nga adunay langyaw nga mananambal nga muayo ug mga masakiton nga walay pagtugot sa Department of Health (DOH).
Gipasusi na sa mayor ang mga tambal ug posibleng laing kaso ni ang ipasaka batok sa mga insik nga nag-operate sa maong lugar. (Lahvi Quiñones)
