Gihimakak ni Senador Francis “Chiz” Escudero nga manghilabot kini sa imbestigasyon sa Senate panel sa giingong nag-leak nga confidential documents nga naglambigit kang Presidente Ferdinand “Bongbong” Marcos Jr. sa illegal nga drugas.
Diin gihimug-atan nga anaa na kini ang desisyon kang Senador Ronald “Bato” Dela Rosa, kinsa maoy chairman sa Senate committee on public order and dangerous drugs, kon unsaon niya paghusay ang imbestigasyon.
Ingon man nga gitambagan niini si Dela Rosa nga ‘option’ ra ang pag-file og resolusyon ug sa una o ikaduhang adlaw lang sa resuming, i-refer sa iyang committee para wala’y maka-kwesyon sa iyang hearing ug makahatag og gamay nga katin-awan sa ang pagdugog.
Ug tataw sa Senate President nga wala kini intension nga hunongon ang pagdungog.
Gipalutaw ang imbestigasyon ni Dela Rosa sa Senado sa giingong nanggawas nga mga dokumento sa PDEA nga usa sa mga rason nganong napalagpot si Senador Juan Miguel “Migz” Zubiri isip senate president.
Si Escudero, kinsa niangkon nga siya ang nagpasiugda sa lakang sa paghulip kang Zubiri isip pangulo sa itaas nga lawak, niklaro nga ang imbestigasyon nga naglambigit kang Marcos ug aktres nga si Maricel Soriano sa ilegal nga drugas, dili maoy rason sa pagpalagpot.
