Miluwat og pamahayag ang tambalanan nga Chong Hua Hospital – Mandaue kabahin sa papel niini sa Pajarillo-Cheng hit-and-run accident niadtong kadlawn sa Pebrero 8, 2026.
Sa pagpatin-aw nga mensahe sa CHH-Mandaue nga gipublikar niadtong Dominggo, Pebrero 15, namahayag kini sa ilang pahasubo sa kabanay ug higala sa namatayng nga si Kingston Ralph Cheng kinsa biktima sa barumbadong pagmaneho ni Sean Andrew Pajarillo sa kadalanan sulod sa Maria Luisa Village, Barangay Banilad ning dakbayan sa Sugbo.
Matod pa nga isip healtcare institution, nag ilang primerong responsibilidad ay ng pagdalit og tukma og hinadaling atensyong medikal sa tanang pasyenteng muabot sa ilang pasilidad aron a pag-preserbar sa kinabuhi bisan unsa man ang sirkumstansya sa pag-admit.
Dugang pa nga alang sa ilang mga pasyente ubos sa ilang kustodiya, ang ilang ospital kay nagsunod sa established protocols ug nakigtambayayong a ga tigpatuman sa balaod aron masigurong ang medical care kay nagsubay sa gikinahanglang legal nga proseso.
Sumala niini nga ang ilang papel sa insidente sa pag-proseso sa suspek kay purong medikal lang ug ang habig sa pagpang-imbestigar ug legal accountability kay anaa sa mga hingtungdang ahensya sa balaod.
Sa ilang pagtuman sa patient privacy laws ug medical confidentiality, ang tambalanan kay dili mubutyag sa specific medical details sa pasyente. Gisalig niini ang tannag isyu may kalabutan sa insidente nga masulbad sa tukmang mga paagi.
Kahinumduman nga nakadawat og pagsaway ang maong tambalanan human gikustodiya niini si Pajarillo sulod sa pipila oras nga nakapalangay sa pagkuha niini og samples aron masuta ang alcohol content pinaagi sa liquor test nga nagpaulbo kontrobersiya ilabi na sa makadudahang pagdumala sa daw pagpabor-pabor nga pagtratar sa suspek.
