CEBU CITY-Demanda karun sa Commission on Human Rights (CHR) 7 sa gobyerno nga protektaran silang mga human rights advocates.
Kini ang gipadayag ni Atty Arvin Udron, CHR 7 regional director, subay sa nahitabung pagpusil patay sa usa ka human rights defender sa Manjuyod, Negros Oriental.
Apan gitataw ni Udron nga wala sila magkinahanglan ug armas arun nga himu-un ug proteksyon sa ilahang kaugalingun gumikan kay tawhanong katungud ang ilahang giprotektaran, butang nga ilaha usab nga gipangayu sa gobyerno.
Matud pa nga adbokasiya gayud nila ang pagpanalipud sa tawhanong katungud nga dili kini mayatakan, ingun man ang pagpabilin sa ilahang lig-un nga baruganan ug prinsipyo.
Samtang, gituhu-an usab ni Udron nga dili tanang pagpatay ang adunay ‘consent’ sa presidente inay adunay posibilidad nga nagpaluyu niini mao ang mga ‘loyal’ sa gobyerno. (SBR)
