CEBU CITY– Misulod na ang Commission on Human Rights (CHR) sa robbery incident sulod sa mall sa Mandaue City, Cebu.
Sa pakighinabi sa Bombo Radyo Cebu kang Leo Villarino, ang senior investigator sa CHR-7 nga direktiba sa national office nga pa-imbestigaran ang pagkamatay sa 4 sa 9 nga nadakpang suspek tungod kay nangilog matud pa kini og armas sa mga pulis.
Kini human nga na-intercept ang 9 sa may Pulang Bato Wharf ug samtang ‘in-transit’ na kini padulong sa Bogo, Cebu police station, didto na nahitabo ang giingong pagpangilog og armas.
Boot matud pa nga masuta sa CHR kung naunsa kining pagkahitabo-a sanglit ang mga nasikop, anaa na sa kustodiya sa mga pulis ug angayang nakaposas pa kini. Ilabina usab nga ang mga pulis na mismo ang mitino nga walay nahitabong shoot out.
Giklaro usab sa CHR nga wala nila pasanginli ang mga pulis sa binsa unsa, inay ila pa kining gitimbaya sa kapaspas sa aksyon niini kalabot sa nahitabong insidente.
Nunot niini, gi-awhag usab ni Villarino ang police community nga i-review ang ilang ‘Police Manual’ tungod kay ang dapigan lang matud pa sa CHR , way lain, inay bugtong kamatooran lang.
