Opisyal nang miretiro si Chris Paul sa pagduwa sa NBA.
Gihimo niya ang pahibalo human siya gibuhian sa Toronto Raptors human sa tulo ka team nga trade uban sa Los Angeles Clippers.
Sa iyang social media account, ang 12-time NBA All-Star miingon nga nakahukom na siya nga moretiro human sa 21 ka tuig sa NBA.
Gidugang sa 40-anyos nga bisan pa og natapos na ang iyang karera isip usa ka NBA player, wala kini nagpasabot nga matangtang usab ang basketball sa iyang kinabuhi.
Hilabi na nga sulod sa tulo ka dekada, ang basketball mao ang iyang kinabuhi.
Giisip niya ang iyang karera sa NBA nga usa ka panalangin diin adunay maayo ug dili maayo nga mga butang nga nahitabo apan naghatag kaniya og respeto sa matag dula.
Si Paul o nailhan nga CP3, ang abbreviation sa iyang ngalan ug numero sa jersey, mao ang ika-4 nga overall pick sa 2005 NBA Draft.
Diin nakahimo kini og kontribusyon sa New Orleans Hornets, Clippers, Houston Rockets, Oklahoma City Thunder, Phoenix Suns, Golden State Warriors ug San Antonio Spurs.
