Gitanyag ni Pope Francis ang iyang naandan nga pagtimbaya sa Adlaw sa Pasko nga adunay mensahe nga gisundan sa solemn nga panalangin nga ‘Urbi et Orbi’ sa lungsod sa Roma ug sa kalibutan gikan sa central loggia sa Basilica ni San Pedro.
Ang paglusad sa Jubilee tuig 2025 kay nagtimaan sa tema sa mensahe ug konteksto sa Pasko karong tuiga, samtang giablihan sa Santo Papa ang Balaang Pultahan sa Basilica ni San Pedro sa pagsugod sa Misa sa Pasko kagahapon atol sa Gabii.
Gisugdan sa Santo Papa ang iyang mensahe sa Pasko nga nagpatin-aw nga ang kalipay nga atong gisaulog karon naggikan sa usa ka panghitabo duha ka libo ka tuig na ang milabay nga mao ang pagkatawo sa Ginoong Jesus.
“Brothers and sisters, do not be afraid! The Door is open, it is wide open! Come! Let us be reconciled with God, and then we will be reconciled with ourselves and able to be reconciled with one another, even our enemies. God’s mercy can do all things. It unties every knot; it tears down every wall of division; it dispels hatred and the spirit of revenge. Come! Jesus is the Door of Peace.”
Gipasiugda usab niini kung sa unsang paagi ‘ang pultahan sa kasingkasing sa Diyos kay kanunay nga abli’ ug nanawagan kanato nga mobalik sa kasingkasing nga nahigugma ug nagpasaylo kanato ug tugotan kita nga makig-uli ngadto Kaniya.
Sa paghinumdom sa Balaan nga Pultahan nga iyang giablihan sa Basilica ni San Pedro nga nag-inagurar sa Jubileo 2025, gipasabot sa Santo Papa nga kining Pultahan “nagrepresentar kang Jesus, ang Pultahan sa kaluwasan nga bukas alang sa tanan ug ang Maayong Magbalantay, nga naghuwat kanato ug andam mohangop.
Sa paglingi sa mga hagit nga giatubang sa atong kalibutan, ang Santo Papa nag-ampo nga ang tingog sa mga hinagiban mapahilom sa giguba sa gubat sa Ukraine ug giawhag alang sa usa ka kusog ug pagkabukas sa negosasyon ug dayalogo alang sa usa ka makatarunganon ug malungtarong kalinaw.
Gi-ampo usab niini alang sa pagtapos sa gubat sa Middle East, nga naghinumdom sa Crib sa Bethlehem ug mga komunidad sa Kristiyano sa Israel ug Palestine ilabi na alang sa Gaza, diin ang makatawhanong kahimtang mas nigrabe pa.
“May there be a ceasefire, may the hostages be released and aid be given to the people worn out by hunger and by war.”
