Gidagsa sa mga bisita ang Fo Guang Shan Chu Un Buddhist Temple sa dalan V. Rama, Barangay Guadalupe ning dakbayan sa Sugbo atol sa kasaulogan sa Chinese Lunar Calendar karong adlawng Martes, Pebrero 17, 2026.
Kini magtimaan nga sa Chinese Lunar Calendar kay mutabok na sa Year of the Fire Horse gikan sa Year of the Wood Snake sa nakalabayng tuig.
Sa pakighinabi sa Bombo Radyo Cebu News Team kang Erwin Go, ang adviser sa Buddha’s Light Association Cebu nga ang maong templo kay adunay pipila ka mga kalihukan atol sa ilang pagsugat sa Chinese Lunar New Year sama sa Bell Ringing, Wishing Tree, Lion & Dragon Dance, Fireworks display, Wushu & Tai Chi presentation, Chinese calligraphy writing ug uban pa.
Aduna sab mga nakalatag nga baligya sa mga pagkaon adunay inspirasyon nga Intsik sama sa Tikoy, Chinese Tea, ug mga vegetarian dishes.
Pamulong nga gipaambit sa maong templo sa Chinese Lunar New Year nga ang tinuod nga kayamanan sa kinabuhi kay ang kalipay og dili ang kwarta ingon man ang tinuod nga kakabus kay ang ka-ignorante ug dili ang kwentada sa kwarta.
