CEBU – Nasikop sa mga operatiba sa Criminal Investigation and Detection Group (CIDG) Cebu City Field Unit ang ikatulo nga most wanted sa Cebu Province sa Barangay Quiot niadtong Martes, Nobyembre 22, 2022.
Ang warrant giisyu niadtong Lunes, Nobyembre 21.
Ang 36-anyos nga akusado, usa ka air-conditioner technician, gipasakaan og kasong statutory rape ug walay piyansa nga girekomendar.
Nagkanayon si Colonel Peter Miguel Tagtag Jr., hepe sa CIDG Central Visayas, niingon nga dili nila ipagawas ang pangalan sa akusado sanglit ang biktima mao ang iyang kaugalingong 14-anyos nga anak nga babaye.
Matod niya nga ang akusado, usa ka nailang tiggamitan sa ilegal nga drugas, taas sa shabu sa dihang siya nakighilawas sa iyang anak nga babaye makapito ka higayon.
Dugang pa nga ang operasyon niadtong Martes kabahin sa Oplan Pagtugis, o ang kampanya batok sa mga wanted person, usa sa mga flagship program sa CIDG.
Samtang sa habig ni Police Brig. Gen. Roderick Augustus Alba ang hepe sa Police Regional Office in Central Visayas (PRO-7), nga iyaha kining gikalipay og gi-recogize ang nahimong kalampusan sa CIDG-Central Viasayas.
