CEBU – Subling nipahinumdom sa publiko ang Criminal Investigation and Detection Group sa Central Visayas (CIDG-7) sa mga kababayin-an nga likayan ang pagpadala og hubo nga mga hulagway ug video ngadto sa ilang mga partners.
Kini ang butyag ni Police Colonel Ireneo Dalogdog, hepe sa CIDG-7, human ilang nasikop ang usa ka lalaki pinaagi sa entrapment operation sa usa ka mall sa dakbayan sa Lapu-Lapu human kini gipasanginlan nga nag-post og hubo nga mga hulagway ug video sa iyang kauban online niadtong Mayo 12, 2022.
Dugang pa ni Dalogdog, nga kanhi live-in partner sa biktima ang suspek, kinsa nag-post sa iyang hubo nga mga litrato human kini nga ningbalibad sa iyang request nga makigkita.
Nasayran nga nagbuwag ang duha gumikan sa kasinatian sa biktima sa daghang pagpangabuso gikan sa suspek.
