Nipasaka og reklamo si Criminal Investigation and Detection Group (CIDG) chief Police Brigadier General Nicolas Torre III batok kang kanhi Presidente Rodrigo Duterte.
Kini may kalambigitan sa hulga sa kanhi presidente nga patyon ang mga senador.
Matod ni Torre, gipasaka na sa Department of Justice ang kasong inciting to sedition ug unlawful utterance nga adunay tukmang silot ubos sa Revised Penal Code.
Dugang pa niya nga 15 ka mga senador ang gustong patyon sa kanhi presidente ug gusto silang bombahan busa gipasaka na ang kaso ngadto sa Department of Circular 20 alang sa case build-up.
Gipahayag sa DC nga ang reklamo nga gisang-at sa mga prosecutor moagi sa “case build-up” sa dili pa magsugod ang preliminary investigation.
Dugang pa sa kadagkoan sa CIDG nga dili angay i-tolerate ang maong mga pamahayag, ug dili usab angayan nga himoon nga joke ang pagpatay.
Kahinumduman nga niadtong Huwebes, atol sa proclamation rally sa PDP Laban, ang kanhi Presidente nipahibalo nga iyang patyon ang mga senador aron maseguro nga makasulod ang tanang boto sa iyang partido.
