Nagpahayag sa ilang kaandam ang Criminal Investigation and Detection Group (CIDG) kung sa higayong gikinahanglan sa gobyerno ang ilang tabang sa pagpasaka og warrant of arrest batok kang Sen. Ronald ‘Bato’ Dela Rosa.
Sumala ni CIDG Director Polic Major Gen. Robert Alexander Morico II, kung adunay mando nga ipagawas gikan sa usa ka takos nga korte nga nagmando sa pag-aresto sa usa ka personalidad, bisan unsa pa ang ngalan o tawo nga nahisgotan sa mando, ilang ipatuman dayon kini.
Miingon siya nga kini kabahin gihapon sa ilang mandato sa pagpatuman sa kasamtangang mga balaod bisan kinsa pa ang nalambigit.
Samtang, kahinumduman nga ang isyu mibuto kaniadto tungod sa mga pamahayag ni Ombudsman Jesus Crispin “Boying” Remulla sa usa ka inteview nga adunay andam na nga warrant of arrest gikan sa International Criminal Court (ICC) diin ang mga kaso ni kanhi Presidente Rodrigo Duterte kasamtangang gidungog.
