LAPU-LAPU CITY, CEBU-Gitudlo ni Lapu-Lapu City Mayor Jonard “Ahong” Chan si City of Lapu-Lapu Office for Substance Abuse Prevention (CLOSAP) Department Head Garry Lao isip Officer-in-Charge sa City Tourism Office sa maong dakbayan.
Nahitabo ang maong pagtudlo human sa pinirmahang memorandum sa mayor sa maong dakbayan niadto pang Hunyo 26, 2024.
Kini nga posisyong ang dugang nga responsibilidad ni Lao sa kagamhanang dakbayan sa Lapu-Lapu kay magpabilin lang gihapon kini isip pangu sa CLOSAP.
Sa pakighinabi sa Bombo News Team kay Garry Lao nga siya mapasalamaton sa pagsalig sa mayor kaniya nga gitudlo kini nga Acting Tourism Officer sa dakbayan nga usa sa giila nga Historic Resort City dili lang sa probinsya sa Sugbo kun di sa tibuok kabisayaan.
Malaumon nga mabuhat og tinarong ug mapasigarbohon ni Lao ang maong posisyon isip tikang sa kalambuan sa islang dakbayan dili lamang sa mga residente nini apan apil na sab ang mga turista.
