Gipahigayun karong buwana ang close season sa pagpanagat sa mga commercial fishing human mikusokuso ang mga bagyo, kini ang gibutyag ni Johann Tejada, ang spokesperson sa Bureau of Fisheries and Aquatic Resources Central Visayas.
Dugang usab niini nga ipahigayun ang close season sa tulo ka buwan gikan sa Nobyembre 15, ngadto na sa February 15. 2026 diin gidili ang pagpanagat sa mga dagkong pangisdaan sa particular lang nga mga klase sa isda.
Gawas lamang sa mga gagmayng pangisdaan diin kadtong mga mananagat nga maoy primerong panginabuhian usab.
Matud ni Tejada nga wala ray nasugatang problema ang buhatan sa suplay sa isda taliwala sa nagkaupos nga isda sa tibouk nasud apan padayun ra gihapon ang pagmonitor niini sa buhatan.
Dakong hagit usab sa BFAR-Central Visayas ang pagpalig-on sa relasyon ug pagpakig-alayon sa buhatan ngadtona sa nagkalain-laing law-enforcement units, sama sa Philippine Coast Guard ug Phillipine Maritime.
Lakip na usab ang pagpangayu ug lig-on nga supporta sa mga nagkadaiya usab nga lokal nga kagamhanan ug kagamhanan sa probinsya alang sa pag-abag sa pagbantay sa pagpatuman sa close season, lakip na ang protektar sa kadagatan.
Hagit usab sa buhatan ang pagpadayun og livelihood program alang sa mga indibidwal nga naapektuhan sa closing season.
Nanghinaot usab si Tejada nga makasabot ang publiko kung nganung adunay close season sa pagpanagat, dili kini aron hikawan sa pagpanagat apan, alang kini sa kaayuhan sa publiko diin gibase kini sa Siyensya.
