CEBU CITY-Gilibkas na sa Bureau of Fisheries and Aquatic Resources (BFAR-7) ang ‘close season’ sa pagpanagat epektibo niadtong petsa 16, buwan sa Pebrero, 2020.
Kini ang gikompirmar ni BFAR-7 Director Allan Poquita sa dihang nahinabi sa Bombo Radyo Cebu atol sa Bombo Reports Afternoon Edition.
Gipasabot sa director nga nagpahigayon sila og close season naidtong Nobyembre sa nakalabay nga tuig hangtud karong buwana. Kini aron matud pa nga makasanay ang mga isda ug tugutan nga kini makapanganak og daghan alang sa conservation sa mga isda.
Gani, matud pa sa director nga bisan og mingaw tuod human nila nga napahibaw ang close season naa gyud gihapo’y iligal nga managat ug ang uban mugamit pa og mga dinamita ug pukot nga gagmay ang buho.
Awhag ni Poquita sa mananagat nga karong human ang close season, dili lang managat gamit ang iligal nga paagi.Sanglit nagpahigayon na og close season aron sa pagsanay sa mga isda apan ma defeat ang purpose niini kung gamitan pa og mga explosive device ug pukot nga gagmay ang buho nga madala ang mga gagmay nga isda sa pagpanagat.
